MRADI WA YAM WAPUNGUZA UKALI WA MAISHA KWA VIJANA MUFINDI

Zilipa Mgeni -Meneja mradi wa YAM

BAADHI ya vijana waliokuwa wanaishi Katika mazingira magumu ambao baadhi yao walikuwa na mzigo mkubwa wa kutunza familia zao na hata mabinti kukimbia vijiji kwenda kufanya kazi za ndani  hivi Sasa maisha yao yamekuwa tofauti baada ya kufikishiwa elimu ya ujasiliamali na elimu ya Saikolojia na mradi wa Youth Agency Mufindi (YAM)

Meneja YAM) Zilipa Mgeni aliyasema hayo jana wakati wa mafunzo ya siku 10 Kwa vijana 100 toka kata tatu za wilaya ya Mufindi mkoani Iringa .

Zilipa alisema kutokana na mwendelezo wa mafunzo hayo yaliyoanza mwaka jana na tathimini ndogo ambayo mradi umefanya kupitia Viongozi wa vijiji na kata wanazotoka wameona Kuna mabadiliko makubwa Kwa vijana waliokwisha fikiwa na mradi huo .

Kwani alisema baadhi yao wameepuka tabia za kushinda Vijiweni na hata wale waliokuwa wanategemea kuendesha maisha yao Kwa kwenda mijini kufanya kazi za ndani hivi Sasa wametulia Vijijini kufanya shughuli zao wenyewe .

Alisema kuwa Katika mafunzo hayo ya siku 10 yameanza jana katika  ukumbi  wa Yatima kijiji  cha Igoda  wilaya ya  Mufindi   kwa  kushirikiasha vijana  hao  ambao baadhi yao  ni  wale  ambao wamekatisha masomo kwa  changamoto  mbali mbali kimaisha  ikiwa  ni pamoja na mabinti waliokatisha  kwa mimba za utotoni wameanza kujitambua .

Akizungumzi faida ya mafunzo  haya meneja  wa mradi  wa Youth Agency Mufindi (YAM) Zilipa alisema lengo la mafunzo hayo ni   kuwawezesha  vijana  zaidi ya  770 wakiwemo  watoto  150 yatima  kutoka   kata   hizo tatu   ambazo  zote  zitaunganishwa na  vijiji  16  za  mradi  huo .

Alisema  mradi  huo wa  YAM ni wa miaka minne toka mwaka 2021/2024 umefadhiliwa na    serikali  ya Finland  chini ya taasisi yake ya Diaconess   kwa  ushirikiano  wa  serikali ya Tanzania chini ya Halmashauri ya  wilaya  ya Mufindi na taasisi ya  Foxes Community and Wild Life Conservation.(FCWC)                                                                                                                                               Mgeni  alisema  baada ya mafunzo hayo  kutolewa kwa  walengwa  watawezeshwa  mitaji ya  kuendeshea miradi  ambayo watakuwa wamechangua  kuifanya kwa  kuwaongezea  nguvu ya  kuiboresha  zaidi.

Mkufunzi Dkt Blandina Kivavike

Mkufunzi  wa mafunzo hayo  mhadhiri kutoka chuo kikuu cha Iringa Dkt Blandina Kivavike  alisema  kuwa  mafunzo hayo maalum ni ya  kuwajengea  uwezo  wa katika  nyanja ya  ujasiliamali   yatawezesha  vijana  hao  kuweza  kuondokana na  fikra mgando ambazo baadhi yao   wamekuwa nazo kuwa  ili  uwe  mjasiliamali  ni lazima  kuwa na   fedha mkononi  wakati unaweza  kuwa mjasiliamali bila ya kuanza  na  mtaji  wa  fedha .

"Maeneo mengi ya  vijijini kuna  fursa  nyingi za  kufanya ambazo kimsingi  ni  moja kati ya  mtaji  mkubwa  kwa  mtu ambae  anatamani  kuwa mjasiliamali hivyo iwapo  wahusika  wataondokana na fikra mgando  za kutegemea fedha  wanaweza kupiga hatua katika maisha" alisema

Kuwa  ili  vijana hao  waweze  kuondokana dhana  hiyo  potofu ni lazima  kwanza  kujitambua na kujiamini kabla ya   kuanza  shughuli ya  ujasilimali  ambayo anahitaji kuifanya  na baada ya kuanza  ndipo  wanaweza  kuanza mchakato wa pili  wa  kuomba mikopo ya kuboresha shughuli  husika ya  ujasiliamali.

Hata  hivyo  alisema  kupitia ardhi walizonazo vijijini  ziwe  za familia ama  zao binafsi wanaweza  kubuni miradi ya  kiuchumi ambayo miradi  hiyo haihitaji  mtaji mkubwa wa  fedha  zaidi ya  kuhitaji nguvu kazi ya mkono.

Alisema mfano ujasiliamali  wa  ususi kwa mabinti ni  ujasiliamali  ambao  mtu anaweza  kuanza kwa ubunifu  usio tegemea  fedha  na baada ya  kuanza ndipo   wanaweza  kuboresha kwa  kutafuta eneo litakalohitaji fedha  za kuboresha zaidi.

Mnufaika Zulea Mkiwa

Akizungumza Kwa niaba ya washiriki wa mafunzo hayo Zulea Mkiwa  alisema mafunzo hayo yameendelea kumfanya kuwa tofauti na mwanzo kabla ya mafunzo na Imani yao kuwa mfano mwema Kwa jamii.

Wilaya ya Mufindi  ni  moja kati ya  wilaya  tatu  za  mikoa  wa Iringa ambazo   zimekuwa na changamoto ya    vijana na  watoto  wanaoishi katika mazingira magumu na kupitia   serikali na  wadau mbali mbali wa maendelea  wameendelea  kuwawezesha   vijana  hao  ili kuanzisha  miradi ya kiuchumi inayowafanya  kupiga  hatua za  kimaendeleo .