Mamlaka nchini Ukraine zimesema vikosi vya Urusi vimeliteketeza jengo
la michezo la mjini Mariupol ambalo inaelezwa kuwa na mamia ya watu
walikuwa wanapatiwa hifadhi, kadhalika kuishambulia na miji mingine.
Hayo yanatokea wakati pande zote mbili yaani Urusi na Ukraine, zikitoa
makadiro ya matumaini katika mazungumzo ya amani baina ya pande hizo.
Shumbulizi hilo lilipasua katikati jengo hilo, lililokuwa na watu ambao
makazi yao yaliharibiwa na vita. Pamoja na kutofahamika kwa sasa idadi
ya vifo au majeruhi lakini taarifa ilisema watu wengi walifukiwa na
kifusi. Katika ukurasa wake wa Twitter, Waziri wa Mambo ya Nje wa
Ukraine Dmytro Kuleba ameliita shambulizi hilo ni uhalifu mwingine wa
kivita mjini Mariupol.
0 Comments