Matukio Daima, Morogoro
SAFARI za kivuko cha MV. Tanga zimeingiliwa na kusimamishwa kwa muda kufuatia tahadhari ya usalama iliyotokana na tufani kali katika ukanda wa Pangani mkoani Tanga.
Hatua hiyo imekuja baada ya mabaharia kubaini hatari iliyoweza kujitokeza iwapo huduma ingeendelea.
Akifafanua tukio hilo, Kaimu Mtendaji Mkuu wa Wakala wa Ufundi na Umeme Tanzania (TEMESA) Wakili Moses Rajab Mabambawa amesema kipaumbele kikubwa kilikuwa ni usalama wa abiria na mali zao.
Amebainisha kuwa operesheni ya kuwaondoa abiria ilifanyika kwa mafanikio bila madhara yoyote, na kivuko kilirejeshwa salama baada ya hali kuimarika.
Kwa upande wa wananchi, maoni yamekuwa tofauti kuhusu kusimamishwa kwa huduma hiyo. Juma Selemani amesema, “Tunashukuru hakuna aliyepata madhara, hilo ndilo muhimu zaidi.” Wakati huo huo, Zainabu Rashid amesema, “Ni muhimu taarifa za hali ya hewa zitolewe mapema zaidi ili tuweze kupanga safari zetu.”
Kwa sasa, wananchi wameelekezwa na TEMESA kutumia njia mbadala ya daraja la muda huku wakisubiri huduma kurejea.
Mwisho.
0 Comments