Rais wa Marekani Donald Trump na Rais wa Urusi Vladimir Putin watakutana Alaska Ijumaa ijayo kujadili mustakabali wa vita vya Ukraine.
Trump alitangaza mkutano wa Agosti 15 kwenye mitandao ya kijamii na baadaye ikathibitishwa na msemaji wa Kremlin, ambaye alisema eneo hilo lilikuwa "lina mantiki kabisa" kwa kuzingatia ukaribu wa Alaska na Urusi.
Msemaji huyo aliongeza kuwa Trump amealikwa nchini Urusi kwa mkutano huo wa pili unaotarajiwa.
Hakukuwa na majibu ya haraka kutoka Ukraine. Tangazo la mkutano huo lilikuja saa chache baada ya Trump kuashiria kwamba Ukraine inaweza kulazimika kuliacha eneo lake ili kumaliza vita, ambavyo vilianza na uvamizi kamili wa Urusi kwa jirani yake mnamo Februari 2022.
"Unaangalia eneo ambalo limepiganiwa kwa miaka mitatu na nusu, Warusi wengi wamekufa. Watu wengi wa Ukraine wamekufa," Trump alisema katika Ikulu ya White House siku ya Ijumaa.
Mshirika wa BBC wa Marekani CBS News, ikinukuu vyanzo vinavyofahamu mazungumzo hayo, inaripoti kwamba Ikulu ya White House inajaribu kuwashawishi viongozi wa Ulaya kukubali makubaliano ambayo yatajumuisha Urusi kuchukua eneo lote la Donbas mashariki mwa Ukraine na kuiacha Crimea.
0 Comments