Na, Matukio Daima App
Mwenyekiti wa Chama Cha Demokrasia na maendeleo ( CHADEMA)Taifa Freeman Mbowe kupitia mitandao ya kijamii akisisitiza uwepo wa maandamano kesho jumatatu .
Mbowe ametoa Msimamo huo wakati akizungumzia Msimamo wa CHADEMA kupitia 'X space' leo, Jumapili Septemba 22.2024 Mbowe amesema kuwa maandamano hayo yatahusisha njia mbili ambazo ni Magomeni kupitia Barabara ya Morogoro mpaka viwanja vya Mnazi mmoja na njia ya pili ni ile inayotoka Ilala Boma Sokoni kupitia Barabara ya Uhuru mpaka viwanja vya Mnazi mmoja, ambapo kwa lugha rahisi viwanja vya Mnazi mmoja ndipo sehemu ya makutano ya maandamano hayo
Mbowe amesema maandamano hayo yanatarajiwa kuanza majira ya saa 03 asubuhi, hivyo kutoka wito kwa wafuasi wa chama hicho na Watanzania kwa ujumla wake kujitokeza kwa wingi kushiriki bila woga wowote kwa kuwa maandamano hayo ni ya amani
TAMKO LA POLISI :TAREHE 13/9/2024
Septemba 11, 2024 kupitia vyombo vya habari na mitandao ya kijamii, walisikika viongozi wa Chama cha Demokrasia na Maendeleo (CHADEMA) akiwemo Mwenyekiti wa chama hicho wakiwahamasisha wananchi wa Jiji la Dar es Salaam wa kata na mitaa yote kuingia barabarani kuanzia Septemba 23, 2024.
Viongozi hao, waliendelea kuhamasisha wananchi wa kanda mbalimbali nchini kukutana Dar es Salaam ili kuungana na wakazi wa Jiji hilo kuingia barabarani.
Hatua hiyo waliyofikia tunajiuliza na tunaendelea kufuatilia na kuchunguza kwanini wanataka kututoa kwenye reli ya hatua za kiupelelezi zinazoendelea baada ya Rais wa Jamhuri ya Muungano wa Tanzania na Amiri Jeshi Mkuu, Mhe. Dkt Samia Suluhu Hassan kuelekeza vyombo vya uchunguzi vifanye uchunguzi kisha kuwasilisha taarifa kwake.
Ikumbukwe kuwa, mara kadhaa viongozi na wafuasi wa chama hicho wamekuwa wakipanga na kuratibu mikakati mbalimbali yenye lengo la kuleta vurugu nchini ili kuharibu amani ya nchi yetu kwa sababu wanazozijua wao wenyewe.
Kutokana na taarifa hiyo, Jeshi la Polisi nchini linatoa onyo kwa viongozi wa chama hicho kuacha kuendelea kuhamasisha wananchi kujihusisha katika uhalifu huo, na yeyote atakayeingia barabarani atakabiliwa vilivyo kwa mujibu wa sheria za nchi. Kwa maana hiyo maandamano hayo yamepigwa marufuku.
Jeshi la Polisi linatoa katazo kwa yeyote aliyealikwa/kuelekezwa kufika Dar es Salaam kutoka Mkoa wowote ule kwa ajili ya maandamano hayo, asithubutu kufanya hivyo kwani maandamano hayo ni haramu na hayatafanyika, hivyo, asipoteze muda na gharama yake.
Jeshi la Polisi nchini, linatoa rai kwa wananchi wapenda amani kutokubali kurubuniwa, kudanganywa au kushawishiwa kwa namna yeyote na badala yake waendelee kushirikiana na Jeshi la Polisi kutoa taarifa za viashiria vyovyote vya uvunjifu wa amani.
Ni taarifa iliyotolewa na Msemaji wa Jeshi la Polisi Kamishna Msaidizi Mwandamizi wa Polisi SACP David Misime.
MADHARA YA MAANDAMANO YASIYO NA KIBALI CHA POLISI
Maandamano yasiyo na kibali cha polisi yanaweza kusababisha madhara makubwa kwa jamii, usalama wa raia, na utulivu wa nchi. Kwanza, yanavunja sheria za nchi ambazo zimewekwa ili kudhibiti amani na usalama. Maandamano yasiyodhibitiwa yanaweza kugeuka kuwa vurugu, kusababisha uharibifu wa mali za umma na binafsi, na hata kusababisha majeraha au vifo kwa washiriki na watu wasiohusika.
Pili, maandamano bila kibali cha polisi yanazuia uwezo wa vyombo vya usalama kutoa ulinzi wa kutosha. Hii inaweza kupelekea matumizi ya nguvu za ziada kudhibiti hali hiyo, na kusababisha ongezeko la ghasia. Pia, vurugu na taharuki zinazotokana na maandamano hayo huathiri shughuli za kiuchumi, hususan kwa wafanyabiashara na taasisi zinazolazimika kufunga kutokana na hofu ya uharibifu.
Madhara mengine ni pamoja na kuzorota kwa uhusiano kati ya raia na serikali, kwani maandamano hayo yanaweza kuchochea hali ya kutokuelewana au kutoaminiana. Mwisho, yanaweza kudhoofisha amani na umoja wa kijamii, kwa kuacha makovu ya kihisia na kisiasa kwa wahusika.
MUHIMU WA KULINDA AMANI YA NCHI
Kulinda amani ya nchi ni muhimu kwa ustawi wa jamii na maendeleo ya kiuchumi. Amani huwezesha raia kuishi kwa usalama, kufanya kazi zao bila hofu, na kuendeleza shughuli za kimaendeleo.
Bila amani, nchi inakabiliwa na vurugu, vita, na machafuko, ambavyo husababisha uharibifu wa mali, kupoteza maisha, na kudhoofisha uchumi.
Amani pia hujenga mazingira bora kwa wawekezaji wa ndani na nje, hivyo kuchochea ukuaji wa uchumi. Kulinda amani ni jukumu la kila raia, kwani inachangia utulivu, umoja, na ustawi wa taifa kwa ujumla.
Katiba ya Tanzania inatambua haki ya kuandamana kama sehemu ya uhuru wa kujieleza na kukusanyika kwa amani. Haki hii inaruhusu raia kutoa maoni yao, kudai haki, au kuonyesha kutoridhika kwa masuala mbalimbali.
Hata hivyo, haki hii inapaswa kutekelezwa kwa kufuata sheria na taratibu zilizowekwa, ikiwemo kupata kibali kutoka kwa mamlaka husika, kama vile jeshi la polisi, ili kuhakikisha usalama wa raia na mali zao.
Kwa hiyo, ingawa kuandamana ni haki ya kikatiba, inahitaji kuendeshwa kwa amani na kwa kuheshimu sheria za nchi.
MADHARA YA UTEKAJI NA MAUAJI
Uamuzi wa Chadema kufanya maandamano haya umetokana na kuguswa na Matukio ya mauaji na utekaji yanayoendelea nchini ifahamike kuwa madhara ya utekaji na mauaji yanaweza kuwa makubwa na kugusa nyanja nyingi za maisha ya watu binafsi, familia, na jamii kwa ujumla. Hapa kuna baadhi ya madhara kwa Matukio haya ni pamoja na Wahanga wa utekaji wanakabiliwa na athari kubwa za kisaikolojia kama vile msongo wa mawazo (stress), kiwewe (trauma), na sonona (depression).
Familia na marafiki wa wahanga wanapata huzuni, woga, na msongo wa mawazo kutokana na hofu ya kupoteza wapendwa wao Jamii inaweza kupoteza imani kwa vyombo vya usalama na serikali, hali ambayo inasababisha kuhisi kukosa ulinzi na usalama.
Hali ya taharuki na woga inazuka katika jamii, hasa maeneo yanayoathiriwa mara kwa mara na matukio ya utekaji na mauaji.
Pia Utekaji unaweza kuathiri uchumi kwa kuwa watu wanaogopa kusafiri au kufanya biashara katika maeneo hatarishi.
Gharama za ukombozi, ulinzi binafsi, na usalama wa ziada zinaweza kuleta mzigo wa kifedha kwa familia na hata serikali.
Aidha Uhalifu wa utekaji na mauaji husababisha serikali kuwekeza zaidi kwenye mifumo ya ulinzi na sheria ili kukabiliana na uhalifu, hali inayoongeza gharama za kiutawala.
Mahakama na vyombo vya usalama vinaweza kushindwa kukabiliana na wimbi la uhalifu huu, hali ambayo huathiri utawala wa sheria.
Matukio haya Kimaadili na Kitamaduni ni kuwa utekaji na mauaji huathiri maadili ya jamii kwa kuhamasisha tabia za kihalifu, ikiwa hatua madhubuti hazitachukuliwa.
Kwa upande wa heshima kwa maisha ya binadamu inapungua, na hali hii inachangia mmomonyoko wa maadili katika jamii wakati upande wa kimataifa Nchi inayoathirika na matukio ya utekaji na mauaji inachafua taswira yake kimataifa, hali inayoweza kuathiri ushirikiano wa kiuchumi, kidiplomasia, na kibiashara.
.jpg)
0 Comments