BENKI YA ACB KUTOA HUDUMA ZA KIDIGITALI

 

Na Rehema Abraham 

Benki ya ACB imeweka mkazo mkubwa katika huduma za kidijitali kama sehemu ya juhudi za kufikia wateja wake katika maeneo mbalimbali.

 Lengo kuu la benki hiyo ni kuhakikisha inawafikia wateja wake kwa urahisi na kwa njia rahisi za kibenki kupitia mifumo ya kisasa ya kidijitali.

Mkuu wa kitengo cha biashara  benki  hiyo Danford Muyango   akizungumza wilayani Rombo mkoani Kilimanjaro, alieleza kuwa benki hiyo imejizatiti kuimarisha mifumo ya kidijitali ili kuboresha utoaji wa huduma na kuhakikisha kila mteja anapata huduma kwa wakati. 

Aliongeza kuwa huduma za kidijitali zimekuwa na mchango mkubwa katika kurahisisha shughuli za kibenki, hususan kwa watu wanaoishi maeneo ya mbali. 

“Huduma hizi za kidijitali zitawawezesha wateja wetu kufanya miamala mbalimbali kama vile kuhamisha fedha, kulipa bili, na kufungua akaunti kwa urahisi kupitia simu zao za mkononi na mifumo mingine ya kidijitali,” alisema Afisa Masoko wa ACB.

Pia alisisitiza kuwa hatua hii ni sehemu ya mikakati ya benki hiyo ya kupanua wigo wake wa huduma, hivyo kuwawezesha wateja wengi zaidi kufikiwa popote walipo.

 Aliweka wazi kuwa huduma hizi za kidijitali zitawawezesha wateja kufanya miamala mbalimbali kama vile kuhamisha fedha, kulipa bili, na kufungua akaunti kwa urahisi kupitia simu zao za mkononi na mifumo mingine ya kidijitali.

Aidha, Afisa Masoko huyo alieleza kuwa benki ya ACB imejizatiti kuhakikisha kuwa mifumo ya kidijitali inakutana na viwango vya usalama vya kimataifa. Hii ni ili kulinda taarifa za wateja na kuhakikisha miamala inaenda kwa usalama na bila matatizo yoyote. "Tunatoa kipaumbele kwa usalama wa wateja wetu kwa kuhakikisha mifumo yetu ya kidijitali ina viwango vya juu vya ulinzi," alisisitiza.

Akizungumzia zaidi kuhusu mbio za Rombo Marathon, Afisa huyo alisema kuwa benki ya ACB inaunga mkono juhudi za kukuza michezo na afya bora. 

Aliongeza kuwa ni muhimu kwa taasisi kama benki hiyo kushiriki katika matukio ya kijamii ambayo yanasaidia kukuza afya na ustawi wa jamii. 

"Tunajivunia kushiriki katika tukio hili muhimu linalokuza afya na ushirikiano wa jamii," alisema.

 benki ya ACB inaendelea kujikita katika kutoa huduma bora kwa wateja wake kwa njia ya kidijitali, huku ikihakikisha inakuwa karibu na jamii kwa kusaidia katika shughuli mbalimbali za kijamii na kiuchumi.