BENKI KUU YATOA WITO KWA JAMII KUSAJILI VIKUNDI VYA KUWEKA NA KUKOPA

NA THABIT MADAI,ZANZIBAR BENKI Kuu ya Tanzania imetoa wito kwa jamii  kuwa na muamko wa  kusajili vikundi vya kuweka na kukopeshana Fedha   katika maeneo mbalimbali nchini ili kuepuka  hasara ambazo zinazoweza kupatikana wakiwa wanasimamia vikundi vyao kienyeji.Wito huo umetolewa  na Afisa Mkuu Mwandamizi kutoka Idara ya Usimamizi wa huduma ndogo za Fedha  kutoka Benki Kuu ya Tanzania (BoT),Deogratias Mnyamani katika siku ya pili ya mafunzo kwa Wahariri wa Vyombo mbalimbali vya Habari yanaondeshwa katika Ofisi ndogo za Makao Makuu ya BoT Zanzibar.Amesema kwamba, Kuna faida nyingi  za kusajili  vikundi ikiwemo  kutambulika rasmi kisheria sambamba na usalama wa Fedha za Wanachama unakuwa Mkubwa zaidi."Unaposajili hivi vikundi vya kuweka na kukopeshana  fedha zinakuwa katika usalama Mkubwa zaidi wa fedha za Wananchama na hata Kesi zinapungua katika jamii yetu," ameeleza."Nichukue nafasi hii kuwashauri wote ambao wamejiunga katika vikundi ambavyo havijasajiliwa wajitokeze kusajili ili kupata faida zaidi," ameongeza.Katika hatua nyingine ameomba Waandishi wa Habari kuendelea kutoa Elimu  kwa jamii juu ya kusajili vikundi vya kukopeshana fedha ili kuokoa hasara ambayo wanajamii wanaweza kuipata."Tunategemea kuwa nyinyi Waandishi wa Habari mutaendelea  kutoaelimu kwa jamii ili kuepuka  hasara ambayo inaweza kujitokeza,"Ameeleza.