NA MATUKIO DAIMA MEDIA, LIBERIA
Aliyekuwa Makamu wa Rais wa Liberia, Jewel Howard-Taylor, ameripotiwa kupelekwa gerezani akisubiri kusikilizwa kwa kesi inayomkabili inayohusishwa na biashara ya dawa za kulevya.
Kwa mujibu wa taarifa hiyo, mahakama ilikataa ombi la mawakili wake la kutaka aruhusiwe kuendelea kupata matibabu hospitalini kwa misingi ya kibinadamu, baada ya kuripotiwa kuwa alipata changamoto ya kupumua pamoja na shinikizo la damu akiwa kizuizini.
Howard-Taylor, ambaye ni mke wa zamani wa aliyekuwa Rais wa Liberia, Charles Taylor, aliwahi kuwa Makamu wa Rais wa nchi hiyo kuanzia mwaka 2018 hadi 2024.
Inadaiwa kuwa alikamatwa Agosti 19, 2026 katika Uwanja wa Ndege wa Kimataifa wa Roberts wakati akijaribu kuondoka nchini.
Mawakili wake wanadai kuwa mashtaka yanayomkabili yana msukumo wa kisiasa, huku wachunguzi wakidai kuwa wana ushahidi unaohusisha rekodi za safari, sauti zilizorekodiwa pamoja na ushuhuda wa mashahidi.
0 Comments