Na Matukio Daima Media, Iringa
IKUMBUKWE kuwa leo mkoani Iringa kumetawala hisia za furaha, shukrani na pongezi kutoka kwa wananchi, viongozi, wafanyabiashara na wadau mbalimbali wa maendeleo baada ya Mwenyekiti wa Kamati ya Ulinzi na Usalama wa Mkoa wa Iringa, Mheshimiwa Kheri James, kutimiza mwaka mwingine wa uhai.
Siku hii imekuwa alama muhimu si tu kwa maisha yake binafsi, bali pia kwa mkoa mzima ambao umeendelea kunufaika na uongozi wake thabiti, wa karibu na wananchi, na wenye kusukuma mbele maendeleo kwa juhudi na maarifa.
Katika salamu na dua mbalimbali zilizotolewa leo Stanslaus Mhongole mlezi wa kundi la Iringa Daima ,Zuberi Mapila mwenyekiti wa boda boda Iringa na Melabu Kihwele mwenyekiti wa bajaji Iringa wamemwombea Mheshimiwa Kheri James maisha marefu, afya njema, hekima na uongozi uliojaa busara ili aendelee kulitumikia Taifa, wizara, na hasa Mkoa wa Iringa kwa moyo wake wa uzalendo.
Wananchi wamesisitiza kuwa wanathamini namna anavyosimamia maagizo ya Rais wa Jamhuri ya Muungano wa Tanzania, Dkt. Samia Suluhu Hassan, kwa uadilifu na uaminifu mkubwa, huku akihakikisha sera za serikali ya awamu ya sita zinawafikia wananchi bila ubaguzi.
Aina ya Kiongozi Anayegusa Wananchi Moja kwa Moja
Mhongole alisema moja ya mambo yanayomtofautisha RC Kheri James ni utaratibu wake wa kujichanganya na wananchi wa kada zote bila kujiweka juu au mbali kama walivyo baadhi ya viongozi.
"Awali nimtakie heri sana Mheshimiwa Mkuu wa Mkoa Iringa,Comred Kheri James katika siku yake ya kuzaliwa kama jina lake linavyosadifu,niseme tu uwepo wake mkoa wa Iringa mimi Mwalimu Stanslaus Thomas Mhongole,huyu ndiye Mkuu wa Mkoa tuliyemsubiri sana,nimponyaji,anafikika kiurahisi,anatatua kero siyo anasikiliza huyu anatibu tatizo,mimi binafsi na mkubali sana ,kubwa tumpe ushirikiano"
.jpg)
Mara nyingi amekuwa akionekana kwenye masoko, mitaani, kwenye shughuli za kijamii, misiba, harusi na hata kwenye mikutano ya hadhara akisikiliza moja kwa moja kero za wananchi.
Tabia hii imemfanya apendwe, aheshimiwe na kuaminiwa na wakazi wa Iringa.
Huku katibu wa chama cha walimu Tanzania (CWT)mkoa wa Iringa Andrew Nyemba alisema kheri James ni mkuu wa Mkoa ambaye hana mipaka ya kuonana na wananchi ofisi yake iko wazi, na mara nyingi anapenda kufuatilia masuala nyeti yeye mwenyewe kwenye maeneo husika.
Hakika, hili limeimarisha imani ya wananchi kuwa uongozi wa serikali ya awamu ya sita unawajali watu na unataka kuona mabadiliko ya kweli yanayotokana na usimamizi mzuri wa rasilimali.
Kusimamia Amani na Usalama wa Mkoa
Katika kipindi cha uongozi wake, hali ya usalama katika mkoa wa Iringa imeendelea kuwa ya kuridhisha Mheshimiwa Kheri James amekuwa mstari wa mbele katika kuhakikisha wananchi wanaendelea kufanya shughuli zao za kiuchumi na kijamii katika mazingira salama.
Kupitia kamati ya ulinzi na usalama, amehakikisha matukio ya uhalifu yanadhibitiwa mapema, migogoro inatatuliwa kwa busara, na jamii inapata elimu juu ya umuhimu wa kudumisha utulivu.
Katika mikutano yake mingi na viongozi wa vijiji, kata na tarafa, amekuwa akisisitiza umuhimu wa wananchi kushirikiana na vyombo vya dola katika kutoa taarifa za kiintelijensia ili kudumisha utulivu, hasa katika kipindi hiki cha kuelekea uchaguzi mkuu.
Ujasiri wake katika kusimamia amani unatajwa kama nguzo kubwa inayochangia ustawi wa Iringa.
Kusukuma Maendeleo ya Miradi ya Serikali.jpg)
.jpg)
DED Iringa Robart Masunya
Mkurugenzi wa Halmashauri ya wilaya ya Iringa Robart Masunya alisema Kheri James amekuwa akitoa nafasi kwa wataalam kuonesha ujuzi wao jambo ambalo limekuwa likiwajenga na kuacha alama ya pamoja katika kuwatumikia wananchi.
kuwa Kheri James ameendelea kusimamia kwa ukaribu utekelezaji wa miradi ya kimkakati mkoani Iringa, ikiwemo miradi ya maji, afya, elimu, miundombinu ya barabara, na kilimo ambacho ndicho uti wa mgongo wa mkoa.
Mara kadhaa amesisitiza kwamba fedha za serikali lazima zitumike kwa uwazi, kwa uaminifu na kwa ubora unaoendana na thamani ya pesa.
Katika ziara zake karibu kila wiki, anatembelea miradi mikubwa na midogo kuhakikisha inakamilika kwa wakati na kwa ubora wakandarasi wazembe mara kadhaa wamepewa onyo kali na baadhi kufungiwa kutokana na kutotekeleza wajibu wao jambo linalothibitisha msimamo wake wa kutotolerate uzembe.
.jpg)
Diwani wa kata ya Nzihi Stivin Mhapa amesema Kheri James amekuwa kiongozi wa aina yake kuwa amefanya kazi na wakuu wa mikoa wengi ila aina ya uongozi wake ni wa tofauti kwani si kiongozi anayejikweza bali ni kiongozi anayejishusha wakati wote kwa kushirikiana na wananchi na viongozi wenzake .
Mhapa ambae pia amekuwa mwenyekiti wa Halmashauri ya wilaya ya Iringa kwa vipindi vitatu amesema miradi mingi mizuri kwenye halmashauri hiyo ushirikiano wake umehusika sana na hata madiwani wanajivunia .
"Huyo ni kiongozi ambae anawajenga sana wataalam kwa kuwapa nafasi na hivyo yeye amekuwa mshauri na mkosoaji pale inapohitajika hivyo tunajivunia sana na leo anaposherekea kumbukizi ya kuzaliwa kwake tunamtakia Kheri nyingi sana"
Kuwakilisha Vema Serikali ya Rais Samia
Maria Sanga ni mkazi wa Iringa mjini anasema kuwa wananchi wengi wanajivunia kuwa Mheshimiwa Kheri James ni miongoni mwa viongozi wanaomuwakilisha Rais Samia kwa uaminifu mkubwa.
Tabia yake ya kufanya kazi kwa vitendo na si maneno imewafanya watu waone taswira ya uongozi wa Mama Samia katika ngazi ya mkoa.
Kuwa mara nyingi amekuwa akisisitiza sera za serikali ya awamu ya sita kama vile kuongeza uwajibikaji, kuweka mbele maslahi ya wananchi, kuvunja ukiritimba wa huduma, na kujenga uchumi shindani.
Shukrani na Dua Kwa Ajili Yake
Daud Masasi ni kamishna wa Chama cha ADC mkoa wa Iringa alisema anamtakia Afya njema,Maisha marefu,Hekima na busara zaidi,Nguvu za kuendelea kuwatumikia wananchi na Baraka tele katika familia yake na kazi
Wamedai kuwa Mkoa wa Iringa unamuhitaji zaidi, na serikali ya awamu ya sita inanufaika na uadilifu wake.
Kama kiongozi kijana, mchapakazi, na mwenye mtazamo wa maendeleo, wengi wanaamini bado ana safari ndefu ya uongozi mbele yake.
Mchungaji Abasi Tagamtwa anasema kuwa Siku ya kuzaliwa kwa Mheshimiwa Kheri James imekuwa kumbukumbu muhimu ya kutafakari mchango wake katika maendeleo ya Mkoa wa Iringa na Taifa kwa ujumla.
Ni kiongozi anayejituma, anayeishi na watu, anayependa kusikiliza, na anayeheshimu dhamana aliyopewa na serikali.
Kwani wananchi wanaamini kuwa chini ya uongozi wake, Iringa itaendelea kuwa mahali salama, lenye maendeleo, na lenye mshikamano.
.jpg)
Francis Godwin mkurugenzi wa Matukio Daima Media anasema kuwa vyombo vya habari mkoa wa Iringa vinafanya kazi kwa ushirikiano mkubwa na ofisi ya mkuu wa mkoa hivyo wakati huu wa kumbukizi ya kuzaliwa kwake Matukio Daima Media inamtakia Mheshimiwa Kheri James heri ya siku ya kuzaliwa, maisha marefu, na mafanikio zaidi katika kuutumikia umma. Mungu aendelee kumlinda na kumwongoza.
0 Comments