Naibu Waziri Mkuu na Waziri wa Nishati Mhe. Dkt. Doto Mashaka Biteko amefungua Maonesho ya Utalii yajulikanayo kama *KARIBU - KILIFAIR 2025* leo Juni 06, 2025 katika Viwanja vya Magereza jijini Arusha kwa lengo la kunadi vivutio vya utalii vinavyopatika Tanzania kwa washiriki kutoka mataifa mbalimbali yaliyomo ndani na nje ya Jumuiya ya Afrika Mashariki.
Katika Maonesho hayo, Shirika la Hifadhi za Taifa Tanzania (TANAPA) linashiriki kwa lengo la kuvitangaza vivutio vyake vilivyomo katika Hifadhi zake 21 zilizoenea katika mikoa mbalimbali ya Tanzania. Katika ufunguzi huo TANAPA imewakilishwa na Naibu Kamishna wa Uhifadhi na Maendeleo ya Biashara Massana Mwishawa na viongozi wengine Waandamizi wa Shirika.
Aidha, Wizara ya Maliasili na Utalii kama Wizara mama katika maonesho hayo iliwakilishwa na Naibu Waziri wa Maliasili na Utalii Mhe. Dunstan Kitandula(Mb), Naibu Katibu Mkuu anayeshughulikia utalii Nkoba Mabula, Mkuu wa Mkoa wa Arusha Mhe. Paul Makonda, Wakuu wa Wilaya na Viongozi waandamizi wa Chama na Serikali pamoja na wananchi.
0 Comments