Jeshi la Israel limesema maeneo kadhaa yalipigwa na shambulio la hivi karibuni la kombora la Iran siku ya Jumatatu, huku zima moto wakiripoti kuwa jengo la makazi lilipigwa katika pwani ya Mediterania nchini humo.
"Vikosi vya Utafutaji na Uokoaji vimetumwa kwenye maeneo kadhaa yaliyoathiriwa nchini Israel, kutokana na shambulio la hivi karibuni kutoka Iran," jeshi lilisema katika taarifa muda mfupi baada ya kuwaambia umma kwamba wanaweza kuondoka kwenye makazi yaliyolindwa.
Huduma za zima moto, wakati huo huo, zilisema waokoaji walikuwa wakielekea kwenye jengo ambalo lilipata "pigo moja kwa moja".
Shirika la utoaji huduma za dharura nchini Israel, Magen David Adom, lilichapisha picha za timu zake zilizotumwa katika mji wa pwani wa Haifa, zikionesha magari kadhaa yakiteketea kwa moto na jengo la makazi ambalo lilipuliwa na mlipuko.
MDA ilisema timu zake zilisafirisha watu saba waliojeruhiwa katika mashambulizi hayo, akiwemo mwanamke mwenye umri wa miaka 72.
Mhudumu wa afya Shira Gur alisema alitumwa katika jiji la kaskazini mwa Israel ambako "jengo na magari yaliripotiwa kuwaka moto kutokana na athari ya roketi."
0 Comments