NA MATUKIODAIMA App DAR
KITUO cha Utamaduni cha Ubalozi wa Jamhuri ya Kiislamu ya Iran leo Mei 16,2024 kinaadhimisha miaka 76 kukumbuka siku ya Nakbat, tangu kuanzishwa kwa utawala wa ubaguzi wa rangi na uvamizi kwenye ulimwengu wa Kiislamu.
Mtaalamu wa Utamaduni wa Kituo hicho, Maulid Sengi ameeleza hayo kwa waandishi wa habari Dar es Salaam leo kuwa awali wakati wa mzozo, Wazayuni walishambulia kwa ukatili miji na vijiji vya Wapalestina na kuua maelfu ya raia wa Kiislamu na Kikristo.
“Wizara ya Mambo ya Nje ya Jamhuri ya Kiislamu ya Iran ilitoa tamko kwa ajili ya kuadhimisha tukio hilo 'Siku ya Nakba 1403' lililosema; "Siku ya Nakba inaadhimisha kumbukumbu ya kuanzishwa kwa utawala wa ubaguzi wa rangi na uvamizi wa Kizayuni katikati ya ulimwengu wa Kiislamu.
"Siku hiyo iliratibiwa na ukoloni wa Uingereza, siku hii inaashiria mwanzo wa kipindi cha umwagaji damu, mauaji ya kimbari, uhamishaji, uvamizi, na udhalilishaji wa ardhi takatifu ya Palestina, ikiungwa mkono moja kwa moja na kwa njia zisizo za moja kwa moja na nguvu za kikoloni, hasa Marekani."amesema Sengi.
Sengi amefafanua kuwa asilimia 80 ya ardhi ya Palestina ilivamiwa na Wazayuni hao, ambapo baadhi ya wananchi wa nchi hiyo walilazimika kukimbilia Ukingo wa Magharibi, Ukanda wa Gaza na nchi jirani ikiwamo Syria, Jordan na Lebanon.
“Jamhuri ya Kiislamu ya Iran inalaani utawala wa Kizayuni kwa kuua zaidi ya watu 35,000 wasio na hatia, wakiwemo wanawake na watoto, kujeruhi watu 75,000, na kuwahamisha mamia ya maelfu katika miezi saba iliyopita kwa msaada kamili wa kisiasa, kijeshi, kijasusi na kiuchumi kutoka Marekani,” amesema Sangi kwa niaba ya Serikali ya Iran..
Aidha msemaji huyo ameeleza zaidi kuwa Utawala wa Kizayuni, unaoonekana kama mfano wa ugaidi uliopangwa rasmi, unaendelea kuongeza rekodi yake ya uhalifu wa kimataifa. Kugunduliwa kwa makaburi ya halaiki katika hospitali za Nasser na Shifa katika Ukanda wa Gaza kunaonyesha ukubwa wa uhalifu wa utawala huu dhidi ya ubinadamu.
Amesema vitendo hivyo, ambavyo ni pamoja na uhalifu wa kivita, mauaji ya kimbari na uhalifu dhidi ya ubinadamu, vinakiuka maadili ya msingi ya Umoja wa Mataifa, viwango na kanuni zote zinazotambulika kimataifa na kuunda uwajibikaji wa jinai kwa wahusika, unaoonyesha kuendelea kwa ukwepaji wa adhabu kwa wahalifu wa Kizayuni kama ukiukaji wa sheria za kimataifa.
“ Iran inalaani vikali hatua za Marekani za kuvuruga juhudi za kusimamisha vurugu katika Gaza na upinzani wake wa kutambua taifa la Palestina katika Umoja wa Mataifa, ikiziita hatua hizo kuwa hazikubaliki na zisizo na uwajibikaji,”amesisitiza Sengi.
Wizara ya Mambo ya Nje ya Iran, pia ilisisitiza kuwa Mei 21,1403, Baraza Kuu la Umoja wa Mataifa lilipitisha azimio lililothibitisha kuwa taifa la Palestina linakidhi vigezo vya kuwa mwanachama kamili wa Umoja wa Mataifa chini ya Kifungu cha nne cha mkataba wake.
Ikihitimisha Wizara ya Mambo ya Nje ya Iran ilisisitiza msimamowa thabiti wa taifa hilo kuhusu suala la Palestina na utawala wa Kizayuni wa uongo na haramu na kuunga mkono harakati za ukombozi za watu wa Palestina.
Sengi amesema Iran inathibitisha tena mshikamano wake na sababu ya taifa la Palestina, ikisisitiza kuwa Palestina ni suala kuu kwa ulimwengu wa Kiislamu.
Iran pia inaunga mkono uanachama kamili wa Palestina katika Umoja wa Mataifa, ikizingatia kuwa ni hatua muhimu katika kushughulikia udhalimu wa kihistoria uliofanyiwa watu wa Palestina kwa uvumilivu na imani.
.jpg)
0 Comments