Na Hamida Ramadhan Matukio Daima APP Dodoma
MKUU wa Jeshi la Polisi Nchini (IGP) Camillius Wambura amesema serikali imeunda operesheni kabambe ya msako ambayo itakayo kuchunguza na kuhakikisha nchi katika hali ya utulivu na amani.
Pia amewaonya watu wenye dhamira ya kujihusisha na matukio ya kiuhalifu yanayoweza kuvuruga amani ya nchi kuacha haraka kwa kuwa jeshi hilo limejipanga.
Hayo yamesemwa wakati akizungumza Wanahabari jijini Dodoma lengo likiwa kuelezea hatua za serikali katika hali ya ulinzi na usalama kufuatia matukio ya kihalifu hapa nchini amesema wanaoshirikiana na wahalifu hao hatua kali zitachukuliwa dhidi yao.
IGP Wambura amesema wao kama jeshi hawatakubali uhalifu ujirudie hivyo ni wakati mbaya kwa wahalifu hao huku akisema kuwa jeshi hilo halijawahi kushindwa.
Ameongeza kuwa tayari idadi kubwa ya wahalifu wanaojiita Panya Road wameshakamatwa na kwamba bado wanaendelea na operesheni nyingine za ukamataji.
" Nawapa pole wale wananchi ambao wamepata majeraha ya kujeruhiwa na Panya Road pamoja na kuibiwa mali zao hivyo Kama kesho (leo) tunaendelea na msako wa wahalifu hawa," amesema IGP Wambura.
Awali Waziri wa Mambo ya Ndani ya Nchi Hamad Masauni amesema tayari wamekwisha weka mpango wa kupambana na wanaovuruga amani ya nchi Panya Road kwani uchunguzi umebaini wahusika wakuu ni wafungwa waliomaliza muda wao gerezani.
“Uchunguzi umebaini baadhi ya wafungwa waliomaliza muda wa kifungo chao ndio wanaoenda kuwashawishi vijana wengine mtaani niwaombe wananchi kutoa ushirikiano katika ngazi zote hapa nchini kuanzia ngazi ya kata lengo letu ni nchi ibaki salama," amesema Waziri huyo.
Ameongeza kuwa Suala la Ulinzi limeboreshwa kuanzia ngazi ya kata na kwamba jukumu la kulinda amani ya nchi ni kwa raia wote huku akiitaka jamii kuripoti vitendo vya kiuhalifu sehemu sahihi ambayo ni Jeshi la Polisi
.jpg)
0 Comments