Katibu mkuu wa Umoja wa vijana wa chama cha mapinduzi (UVCCM)Taifa Kenani Kihongosi akizungumza na wananchi wa Kihesa mjini Iringa baada ya kukagua ujenzi wa madarasa shule ya Sekondari Kihesa ,kulia kwake ni mkuu wa wilaya ya Iringa Mohamed Moyo na mwenyekiti wa UVCCM wilaya ya Iringa mjini Salvatori Ngerera
KATIBU mkuu wa jumuiya ya umoja wa vijana wa chama cha mapinduzi (UVCCM) Taifa Kenani Kihongosi amesema wapo baadhi ya viongozi wameanza kutoa matamko ya kumkwamisha Rais Samia Suluhu Hassan katika kuliletea Taifa maendeleo kuwa wao kama vijana watahakikisha kabla ya Rais hajakwama viongozi hao watakuwa wamekwamishwa wao .
Kuwa watambua mikopo ni sehemu ya maendeleo na hata nchi kubwa zimekopa na hata wabunge wanayo mikopo mbali mbali ambapo si kosa ila ndani ya siku chache wameibuka viongozi wanaoheshimika kwenye Taifa wameenda mbali wanakosoa na kuona mikopo hii haina tija jambo ambalo si sawa .
Akizungumza Leo mjini Iringa baada ya kukagua ujenzi wa vyumba vya madarasa katika shule ya sekondari Kihesa ujenzi unaotekelezwa kwa fedha zilizotolewa na serikali ya awamu ya sita chini ya Rais Samia ,Kihongosi alisema kuwa mbali ya kazi kubwa inayofanywa na Rais samia katika ujenzi wa miradi mbali mbali wapo baadhi ya viongozi wanaibuka na kupinga .
Alisema kuwa tangu Rais Samia aingie madarakani mwezi machi mwaka 2021 kumekuwepo na jitihada kubwa zenye mageuzi makubwa katika Taifa na maendeleo makubwa kwa kuwepo kwa mambo makubwa ambayo yamefanyika kwa kipindi cha miezi tisa aliyokuwepo madarakani na kila mmoja ni shahidi kwa kazi hiyo.
“Deni la taifa linakaribia shilingi Tirioni 70 Lakini tutambue kuwa deni la serikali ya awamu ya sita imekuwa ni serikali yenye uwazi zamani ya kwanza hadi ya tano fedha zilikuwa zikikopwa lakini uwazi ulikuwa hauwekwi wazi wala wananchi mlikuwa hamuelezwi serikali imekopa nini na imefanyia nini lakini Mheshimiwa Samia amechukua fedha Trilioni moja na bilioni miatatu fedha ambazo baada ya kuzipata ameshirikisha bunge na viongozi wa serikali pamoja na kufanya kikao kueleza matumizi ya fedha hizo watanzania wote waliona na hili jambo la mfano na la kupongezwa “ alisema Kihongosi
Kuwa iwapo kiongozi mkuu wa nchi anaweza kuchukua fedha na kuainisha matumizi yake kwa mwananchi anajua wazi kuwa fedha iliyokopwa inakwenda kufanya nini .
Alisema faida ya mikopo huo ni kuwa hakuna riba yoyote kwa serikali na ni deni litakalolipwa kwa zaidi ya miaka 20 tena pasipo riba yoyote ile na fedha hizo zimesambazwa kwenye ujenzi wa vyumba vya madarasa na sekta ya afya ,maji na maeneo mengine kila mkoa.
Pia alisema fedha hizo zimeelekezwa kwenye uboreshaji wa miundo mbinu ya barabara kila kona ya nchi hii .
Aidha alisema kwa kipindi kifupi cha serikali ya wamu ya sita madarakani fursa nyingi zimekuwepo kila eneo ambapo kwa vijana wa vyuo vikuu kwenye kipindi cha serikali hii ndipo walipopata mikopo zaidi kuliko wakati mwingine wote kwa mikopo zaidi ya bilioni 570 .
Alisema kuwa kwa miradi inayoendelea nchini ni miradi itakayonufaisha vijana wengi zaidi na wao kama vijana hawatakubali kuona kuna viongozi wanatumia vyombo vya habari kutaka kumkwamisha Rais kwa kumsema vibaya kwa viongozi hao kabla ya hawajafanikisha kumkwamisha Rais watakwamishwa wao maana yeyote anayesimama na kumpinga Rais kwao ataonekana ni adui ni lazima ashughulikiwe .
“ Iwapo wewe ni kiongozi ndani ya nchi hii ama kiongozi ndani ya chama una hoja ya kumshauri Rais ni vema kutumia vikao husika kufikisha ushauri wako kuliko kwenda kwenye vyombo vya habari ama kutumia majukwaa ya nje kumsema vibaya kiongozi huyo hatavumiliwa hata kigodo .
Wakati huo huo Kiongosi alisema kuwa pamoja na jitiahda za kuendelea kupamoja na miradi ya maendeleo Rais Samia ameendelea kufungua milango ya utalii kwa kulitangaza Taifa kupitia Filamu ya The Royal Tour .
Aidha alisema kuna baadhi ya maeneo wamekuwa wakiandika kwenye vyumba vya madarasa yanayojengwa kwa fedha za mikopo kuwa miradi ya UVIKO 19 kuwa kufanya hivyo ni kosa na tayari katibu mkuu wa CCM Daniel Chongolo alipiga marufuku maana fedha hizo ni mikopo ambayo inapaswa kurejeshwa na sio fedha za UVIKO 19.
Alisema mtu unapokopa fedha matumizi ni juu yako na mkopeshaji hakupangii matumizi ya fedha anazokukopesha na hivyo fedha zinazojenga madarasa ni fedha na mkopo sio miradi ya UVIKO 19.
Awali mkuu wa wilaya ya Iringa Mohamed Moyo alieleza hatua mbali mbali ambazo wilaya ya Iringa imefikia katika ujunzi wa vyumba vya madarasa na kuwa wilaya ya Iringa na mkoa wanategemea January 17 wanafunzi wote wataanza masomo kwani miradi ya ujenzi wa vyumba vya madarasa imefika hatua ya mwisho
0 Comments