Na Lilian Kasenene, Morogoro
Matukio DaimaApp
WAZIRI wa Mawasiliano na Teknolojia ya Habari Angellah Kairuki amewataka watumishi wa wizara ya maji pamoja na wadau wa sekta ya maji kujadili na kuja na mpango madhubuti wa kuweka usawa katika upatikanaji wa maji kwa watu wenyew mahitaji maalum
Waziri Kairuki ametoa Rai wakati wa mdaharo wa wadau wa maji na jinsia mkoani Morogoro ikiwa ni katika uzinduzi wa wiki ya Maji ambapo alisema kuwa mdaharo huo ni muhimu ukaenda sambamba na kujadili kundi la watu maalum ili kuwa na usawa wa pamoja
Waziri Kairuki pia amesema Serikali na wadau wa maendeleo katika sekta ya maji wanatakiwa kulipa kipaumbele kundi la watu wenye mahitaji maalumu katika suala la upatikanaji wa maji badala ya kutizama kundi la wanawake na wasichana pekee.
Amesema kwa kuwa wadau wa sekta ya maji wamekutana kwenye jukwaa hilo itakuwa fulsa mahususi kuuungana na serikali kuangalia kundi hilo maalum hasa wanawake wenyewe ulemavu na wanawake ambao wanalea kaya za wenye ulemavu
"Ni vyema huko mbeleni tuje tuangalie namna ya kuhudumia watu wenye makundi maalum, tunafanyaje katika kuangazia upatikanaji wa maji tunawawekea mifumo ya namna Gani?, tukitambua kama mwanamke wa kawaida anachangamoto ya maji, iweje kwa mwanamke mwenye ulemavu? Iweje kwa mwanamke ambaye analeta familia ya wenye ulemavu," amesema Kairuki.
Kwa Upande wake, Katibu Mkuu wa Wizara ya Maji, Mhandisi Mwajuma Waziri amesema Wizara imejipanga vizuri katika kuhakikisha maoni yanayotolewa na wadau katika mdahalo huo yanapokelewa na kufanyiwa kazi kadri itakavyowekekana
Amesema mdahalo huo imeandaliwa maalum kwaajili ya kuwaweka pamoja wadau ili kujadili nafasi ya jinsia katika upatikanaji wa maji Safi na usafi wa mazingira pamoja na uhifadhi ,usimamizi na uendelezaji wa rasilimali za maji
"Mdahalo huu unatumika kama jukwaa la kujadili mikakati ya kuboresha sera, mipango na ushirikiano wa wadau kuhakikisha huduma za maji zinapatikana kwa usawa na uendelevu wa jamii yote," amesema.
Naye mwakilishi wa mkurugenzi wa shirika lisilo la kiserikali la WaterAids Christina Mhando, amesema shirika hilo linaamini maji sio tu huduma bali ni njia ya kufungua milango ya usawa wa kijinsia katika jamii.
Amesema jamii zinazopata huduma Bora ya maji, wanawake na wasichana ambao wamekuwa wakibeba mzigo mkubwa linapokuja suala la upatikanaji wa maji maisha yao hubadirika na wanapata afya Bora, muda na uwezo wa kushiriki kikamilifu katika maendeleo ya kiuchumi na kijamii
"Tumekuwa tunaweka kipaumbele Cha usawa wa kijinsia katika miradi tunayotekeleza ikiwemo ya maji kwa kutambua kwamba uwekezaji katika huduma za maji si tu suruhisho la kiufundi Bali ni kichocheo Cha haki, heshima na mabadiliko ya kitabia,"amesema.
0 Comments