NA MWANDISHI WETU. DAR
KATIBU Mkuu Wizara ya Maendeleo ya Jamii, Jinsia Wanawake na Watoto, Dk John Jingu amesema Serikali ipo tayari kuwatambua rasmi wakufunzi wa malezi mbadala wa watoto nchini.
Ili kutekeleza hilo, serikali imewataka wadau wa sekta hiyo kumpelekea mapendekezo wanayodhani yanafaa ili yakafanyiwe kazi.
"Nimewasikia kwenye risala yenu, hili ombi la kutaka mtambulike kwenye mifumo rasmi ya serikali, linazungumzika, leteni mapendekezo yenu, tukae oamoja tuone namna ya kulirasimisha pengine hiyo inaweza kuwa ni fursa ya kuongeza ajira" alisema Dk Jingu.
Kupitia mahafali hayo, Katibu mkuu pia aliishukuru SOS Village Tanzania kwa uratibu na usimamizi bora wa mafunzo ya miezi sita kwa wataalam hao ambayo alisema programu kama hizo zinafanyakazi nzuri ya kuunga mkono juhudi za serikali katika suala zima la malezi ya watoto.
“Wote tunafahamu, sehemu nzuri naya muhimu ya kuwalea watoto ni kwenye familia, hivyo tukiwa na wataalam waliobobea kwenye malezi mbadala au ya malezi ya kambo kwa watoto, nina uhakika mkiwalea, mkiwatunza vizuri tutakuwa na kesho nzuri kwa manufaa ya taifa kwa ujumla wake.
Awali wahitimu wa mafunzo ya malezi mbadala waliomba Serikali kuwatambua na kuwaweka kwenye mfumo rasmi wa kitaifa kama wakufunzi wa malezi mbadala na chombo muhimu kinachosaidia makuzi ya watoto
Wahitimu hao 120 walitoa ombi hilo kupitia kwa Katibu Mkuu Wizara ya Maendeleo ya Jamii, Jinsia na Watoto, Dk John Jingu Novemba 27, 2025, wakati wa mahafali yao ambapo walisema mafunzo hayo ya miezi sita kwa njia ya mtandao yamewawezesha kuwa bora katika eneo la malezi na familia mbadala kwa Watoto wa Tanzania
Mafunzo hayo ambayo yameshirikisha maofisa wa ustawi wa jamii kutoka sehemu mbalimbali nchini yameratibiwa na Taasisi ya SOS Village Tanzania kwa ufadhili wa Fairstart Foundation ya Denimark.
Akisoma risala hiyo kwa niaba ya wenzake, siku ya mahafali yao, Novemba 27,2025, Meporoo Kirave alisema wahitimu wote wamebobea na kuwa wataalam kwenye kitengo hicho cha malezi mbadala, hivyo wanao uwezo wa kuendelea kutoa elimu ya malezi kwa wengine.
Kilave alisema kupitia mafunzo hayo, wamepata ujuzi na weledi kuhusu malezi chanya yenye kuzingatia haki ya mtoto, ulinzi na maisha ya familia kwa jamii kwa manufaa ya taifa na vizazi vijavyo kwa ujumla.
“Ndugu mgeni rasmi, tunaiomba Serikali kupitia wizara yako itutambue rasmi kwenye mfumo wa kitaifa kama wakufunzi wa malezi mbadala au ya kambo hapa nchini kwakuwa sasa tumebobea na kuwa wataalam kwenye kitengo hiki.
“Kupitia mafunzo tuliyopata, tunaahidi kuyasambaza maarifa haya katika familia, sehemu za kazi na sehemu tunazoishi huku tukiendelea kuhamasisha malezi salama, jumuishi na yenye kujenga utu wa mtoto ili kwa pamoja tuweze kulijenga taifa la watoto wanaoaminiwa, kulindwa na kuendelezwa ipasavyo.”alisema
jamii itakwenda vizuri”alisema Dk Jingu.
Ofisa ustawi wa jamii na mhitimu wa hao, Agnes Olomi alisema mtoto anayekosa malezi bora ya wazazi kuanzia kutungwa kwa mimba ana uwezekano wa kuwa mkorofi, jeuri na wakati mwingine kuwa na hofu au mashaka muda wote, hivyo ameiasa jamii kuzingatia malezi bora hata kama mtoto si wako wa kumzaa.
0 Comments