*ADONIS BITEGEKO MGOMBEA PEKEE NAFASI YA UBUNGE KUPITIA CHAMA CHA MAPINDUZI JIMBO LA MULEBA KASKAZINI BAADA YA CHAUMA KUSHINDWA KUREJESHA FOMU ,MULEBA KUSINI VYAMA 5 VYAJITOKEZA NAFASI YA UBUNGE *

 

Mgombea Ubunge Jimbo la Muleba Kaskazini  kupitia Chama Cha Mapinduzi   Bwana Adonis Bitegeko ni Mgombea pekee katika  Jimbo hilo baada ya Chama Cha Ukombozi wa Umma kushindwa kurejesha fomu .

Msimamizi wa Uchaguzi Jimbo la Muleba Kaskazini na Kusini   Bwana  Yona Charugamba  wakati akizungumza na waandishi wa habari  amesema kuwa wilaya ya Muleba ina majimbo mawili ya Uchaguzi ambayo ni Muleba Kaskazini na Muleba Kusini ambapo Muleba Kusini ina kata 25 na Kaskazini ina kata 18

Amesema kuwa katika Jimbo la Muleba Kaskazini wagombea waliochukua fomu ni wawili ambao ni  Bwana Adonis Bitegeko kutoka chama cha Mapinduzi na Eradius Kaitila ambapo mpaka wakati wa kufunga zoezi la Uchukuaji wa fomu alirejesha Bwana Adonis Bitegeko pekeee

Bwana Charugaba amesema kuwa Adonis  Bitegeko  ametimiza vigezo  vyote vinavyotakiwa kujazwa kwenye fomu  hivyo Tume huru ya Taifa  ya Uchaguzi  imemteua kuwa Mgombea wa nafasi ya Ubunge Jimbo la Muleba Kaskazini .

Ameongeza kuwa Vyama vingine havikujitokeza kuchukua fomu ya kugombea nafasi ya Ubunge katika Jimbo la Muleba Kaskazini  isipokuwa Chama cha Mapinduzi(CCM) pamoja na Chama Cha Ukombozi wa Umma ( CHAUMA) pekee ndo vilivyojitokeza katika zoezi hilo .

Kwa upande wa Jimbo la Muleba Kusini Kusini Jumla ya Vyama vitano vimejitokeza kuchukua fomu ya kugombea nafasi ya Ubunge ambavyo ni Chama cha Mapinduzi (CCM) , NCCR  Mageuzi, TLP, ACT Wazalendo na CHAUMA ambapo wagombea kutoka vyama hivyo ni Bwana Oscar Kikoyo, Benezeti Josephat ,Abihudi Mbekomize ,Jonepo Rwakalela na Khamis Yusuph