VITUO VYA AFYA 316 VYASAMBAZIWA BIDHAA ZA HUDUMA

Na Hamida Ramadhan Matukio Daima App Dodom

SERIKALI kupitia Bohari ya dawa (MSD) imesema itaendelea kuboresha  huduma za dharura za uzazi 

pingamizi na huduma za awali kwa watoto wachanga ambapo kwa kipindi cha miaka minne imenunua na kusambaza bidhaa za afya, kwa ajili ya kuboresha vituo vya afya 316 na kuhakikisha vinatoa huduma ya dharura ya uzazi na mtoto . 

Mkurugenzi Mkuu wa Bohari ya Dawa (MSD), Mavere Tukai amebainisha hayo Jijini Dodoma kwenye mkutano wake na waandishi wa habari kuhusu mafanikio na mwelekeo wa Bohari ya Dawa katika kipindi cha miaka minne ya Serikali ya Awamu ya Sita leo Machi 19, 2025,na kueleza kuwa bidhaa 

zote za afya 414 zenye thamani ya shilingi 100,182,390,897.40 zimekwisha sambazwa 

na kusimikwa kwenye vituo  vya kutolea huduma za afya nchini.

Amesema katika kipindi cha miaka minne Vituo vya kutolea huduma 

za afya vinavyohudumiwa na MSD vimeongezeka na kufikia vituo 8,466 mwaka 

2024/2025 kutoka vituo 7,095 mwaka 2021/2022 sawa na ongezeko la vituo 1,371 

ambapo ni ongezeko la asilimia 19.

" Ongezeko kubwa la vituo vya kutolea huduma za 

afya vinavyopelekewa bidhaa na MSD lilikuwa kwenye zahanati ambapo vituo 1,102

viliongezeka na ndipo ambapo wananchi wengi wanapata huduma, "amesema

Amesema kuwa Bohari ya Dawa imeendelea kuhudumia vituo hivyo kupitia Kanda zake 10 zilizopo 

Dodoma, Dar es Salaam, Mtwara, Mwanza, Tabora, Kilimanjaro, Tanga, Kagera, Mbeya 

na Iringa. 

Kuhusu mafanikio ya MSD amesema 

hadi kufikia tarehe 15 Februari 2025,  imeendelea kuimarisha upatikanaji wa bidhaa za afya katika vituo vya 

kutolea huduma za afya na kwamba 

hali ya uwepo wa bidhaa za afya ashiria 382 imeongezeka kutoka asilimia 42 mwaka 

2021/2022 hadi asilimia 67 mwezi Februari, 2024/2025 sawa na ongezeko la asilimia 

23.

"Hali ya utimizaji wa mahitaji ya vituo vya kutolea huduma za afya umeendelea kuimarika 

ambapo hadi mwezi Juni 2024, hali ya utimizaji wa mahitaji ulifikia asilimia 79," amesema

Mkurugenzi huyo pia ameeleza Mpango Maalum wa Usambazaji wa Mashine za Uchujaji damu kuwa Serikali  inatekeleza mpango maalumu wa kuongeza upatikanaji 

wa huduma za uchujaji wa damu ikiwa ni sehemu ya matibabu ya figo, hivyo kupunguza 

gharama za huduma hiyo. 

"Kutokana na uwekezaji mkubwa unaofanywa na Serikali ya 

awamu ya sita, hadi kufikia mwezi Februari 2025, idadi ya mashine imeongezeka na 

kufikia mashine 137 kutoka mashine 60 na hivyo kuongeza idadi ya hospitali zilizopokea 

mashine kutoka Bohari ya Dawa kutoka hospitali 6 zilizokuwepo mwaka wa fedha 

2021/22 na kufikia hospitali 15 mwaka 2024/25, "amefafanua.

Amesema uwekezaji huo umegharimu 

kiasi cha shilingi bilioni 7.7.

Katika hospitali hizo ambapo, hospitali 11 zimeanza kutoa huduma na hospitali 4 zipo katika hatua 

ya matengenezo. 

Amezitaja baadhi ya hospitali zinazotoa huduma ni pamoja na Hospitali za Rufaa 

za Mikoa ya Amana, Mwananyamala ,Temeke, Morogoro, Katavi, Tumbi, Chato, Sekoe 

Toure na UDOM Hospitali.

Amefafanua kuwa Mkakati huo wa usambazaji wa mashine za dialysis unalenga kupunguza gharama 

ambapo kwa sasa gharama zinazotozwa ni kati ya shilingi 200,000 na shilingi 230,000

na matarajio ni kuweza kupunguza na kuwa chini ya shilingi 100,000 kwa ‘session’ 

moja. 

Mwisho