KIJANA mwenye Ulemavu Mkazi wa kijiji cha Ikanga kata ya Mdabulo wilaya ya Mufindi mkoani Iringa Yusto Kalinga ambae Ulemavu wako ulitokana na kuungua moto Mwili mzima wakati akiandaa shamba kwa kuchoma nyasi amekuwa miongoni mwa Vijana wenye Ulemavu 134 wanaopatiwa Mafunzo ya ujasiriamali kupitia Taasisi ya taasisi ya Foxes Community and Wild Life Conservation na Mradi Youth Agency Mufindi (YAM).
Kijana huyo amepongeza Mradi huo wa YAM chini ya Taasisi ya Foxes Community and Wild Life Conservation na Halmashauri ya wilaya ya Mufindi kwa kumuona na kumpatia fursa hiyo ya Mafunzo .
Akizungumza Jana wakati wa Mafunzo ya Siku 12 yanayoendelea ukumbi wa Yatima Igoda Mufindi kwa Vijana hao wenye Ulemavu 134 Kijana huyo alisema kuwa Mafunzo hayo yanaelekea kumpa kipato na kuondoka na Vijana tegemezi kwa familia.
Yusto alisema kuwa malengo yake ni kuwa mfugaji mkubwa wa kuku kwa sababu kutokana na ulemavu alionao anaweza kuzifanya shughuli hizo kwa mikono yake mwenyewe na kumuingizia kipato.
Yusto ni mmoja wa walemavu 134 ambao wanapata mafunzo kupitia taasisi ya Foxes Community and Wild Life Conservation na mradi wa Youth Agency Mufindi(YAM) kutoka vijiji 16 vya kata tatu za Wilaya ya Mufindi ambazo ni kata ya Mdabulo, Luhunga na Ihanu.
"Nimechagua kufuga kuku wa kienyeji na nina hitaji kujifunza zaidi kuhusu ufgugaji ili mafunzo yatakapomalizika nitakuwa nimejua nitajikita katika kufuga mifugo gani zaidi"
Akizungumzia jinsi alivyopata ulemavu huo alisema kuwa siku moja ambayo hatoisahau katika maisha yake walikuwa wameenda kuchoma shamba na mwenzake ambaye walikuwa wakifanyakazi pamoja kwa muda mrefu walizingirwa na moto na moshi kumzidi na kujikuta kadondoka na kuungua mikono.
"Wakati tunasafisha shamba kwa kutumia moto kwa bahati mbaya moto ukatoka tulijitahidi kuuzuia lakini moshi ulituzidi na kutuzingira na kudondoka nakaungua mikono yote miwili,nimekuwa nikijiuguza kwa muda mrefu huku nikipambana kwa hali na mali ili nisiwe na ulemavu wa kudumu"
"Nawashukuru taasisi ya Foxes Community and Wild Life Conservation kwa kunisaidia kupata matibabu kutoka katika hospitali Inuka mkoani Njombe pia kufanya mazoezi ili mwisho wa siku mikono yangu iwe vizuri, nawashukuru wao kama taasisi kwa kutuwezesha kupata mafunzo na kuwekeza katika ulemavu wetu na kutufanya tuweze kujitegemee"alisema
Aliwashauri washiriki wa Mafunzo hayo ambao wanapata mafunzo katika mradi huo kusikiliza ushauri wa mkufunzi na kuwatumia katika maisha yao ya kila siku kuhakikisha yale yaliyojifunza yanaleta mafanikio katika maisha yao.
Mradi YAM Mradi ulioanza mwaka 2021 Hadi 2024 kwa kufanya kazi miaka minne kusaidia Mafunzo ya ujasiriamali na kuwawezesha Vijana wenye mazingira magumu kutoka kata tatu za Ihanu,Mdabulo na Luhunga Mradi huu umefadhiliwa na serikali ya Filands chini ya taasisi yake ya Diaconess kwa ushirikiano wa serikali ya Tanzania chini ya Halmashauri ya wilaya ya Mufindi na taasisi ya Foxes Community and Wild Life Conservation.
MWISHO.
.jpg)
0 Comments