MLAWA AWASHUKIA AKINA MBOWE NA WENZAKE KWA KUMSHAMBULIA RAIS SAMIA

 

TAZAMA FULL VIDEO BOFYA LINK HII

Na Matukio Daima App.

ZIKIWA zimepita Siku chache toka Rais wa Jamhuri ya Muungano wa Tanzania Dkt Samia Suluhu Hassan kukemea baadhi ya wapinzani wanaofanya siasa za chuki dhidi ya serikali kwa kuchafua sifa ya Taifa ,Mdau wa Maendeleo Kilolo mkoani Iringa, Aidan Damian Mlawa amesema upinzani wa kuchafua nchi na Rais si wa kuufumbia macho .

Mlawa  ametoa wito  kwa Watanzania kuendelea na uzalendo kwa Taifa lao kwa kuwaheshimu viongozi wa nchi, hasa Rais wa Jamhuri ya Muungano wa Tanzania, Samia Suluhu Hassan. 

Mlawa ameonesha masikitiko yake juu ya ongezeko la baadhi ya watu wanaomkashifu rais, licha ya kazi kubwa na nzuri ambayo ameifanya na anaendelea kuifanya kwa wananchi wa Tanzania. 

Katika mazungumzo yake, amesisitiza kuwa vitendo hivi sio tu kwamba vinahatarisha amani ya nchi, bali pia vinaacha picha mbaya kwa kizazi kijacho.

Mlawa ameweka wazi kwamba Rais Samia amefanya kazi nzuri katika kipindi kifupi cha uongozi wake, lakini bado baadhi ya watu wamekuwa wakitumia nafasi ya uhuru wa kujieleza kumkashifu. 

Ameeleza kuwa kuna watu ambao, pindi wanapoamka asubuhi, kazi yao ni kumlaumu rais bila kuzingatia mafanikio mengi yaliyopatikana. 

Kulingana na Mlawa, uzalendo ni kitovu cha maendeleo ya taifa, na kwa sasa unapaswa kuongozwa na dhamira ya kuunga mkono juhudi za serikali.

Mafanikio ya Uongozi wa Rais Samia Suluhu Hassan Katika hotuba yake, Mlawa amesisitiza kuwa Rais Samia ameiongoza Tanzania kwa kipindi kifupi, lakini ameweza kuleta mabadiliko makubwa.

 Amebainisha kuwa wawekezaji wameongezeka kwa kiasi kikubwa, viwanda vimeimarika, na ujenzi wa miundombinu kama barabara umeongezeka.

 Mafanikio haya ni ushahidi wa jinsi uongozi wa awamu ya sita ulivyoleta matunda makubwa kwa taifa.

Mlawa amekuwa na swali la msingi kuwa 

Kwa nini watu wamekuwa wakimkashifu rais licha ya kazi nzuri anayoendelea kufanya?

Ameongeza kuwa, ingawa rais amekuwa akifanya juhudi kubwa kuhakikisha kuwa nchi inapata maendeleo, baadhi ya watu wameonekana kutokuwa na shukrani, na wameendelea kumkashifu rais bila sababu za msingi.

 Mlawa ameonyesha masikitiko juu ya hatua hizi, akieleza kuwa amani na upendo wa Watanzania, ambavyo Tanzania inajivunia, vinaweza kupotea endapo tabia hizi zitaendelea kuachwa.

Katika kuitetea Amani na Upendo wa Taifa 

 amesisitiza kuwa yeye kama mzalendo hayuko tayari kuona rais akitukanwa au kukashifiwa na wananchi, huku Watanzania wengine wakiendelea kukaa kimya.

Kuwa Tanzania ni nchi inayojivunia amani na upendo, na ni muhimu kwa Watanzania kuudumisha upendo huo kwa maslahi ya taifa zima.

 Ameonya kuwa kuna sera ambazo zinaweza kusababisha upotevu wa amani endapo hazitadhibitiwa kwa wakati.

Amesema  baadhi ya watu wamekuwa wakifanya uchochezi kwa lengo la kunufaika na maslahi binafsi, na hii imesababisha hali ya mvurugano miongoni mwa wananchi. 

Mlawa ameonya kuwa vitendo kama hivi vinaweza kupelekea uvunjifu wa amani, ikiwa ni pamoja na matukio ya uhalifu, ubakaji, na migogoro isiyokuwa na sababu za msingi. 

Ameongeza kuwa yeye kama mzalendo, hayuko tayari kuvumilia hali hiyo hata kidogo.

Kuhusu ufanisi wa Serikali ya Awamu ya Sita Mlawa amepongeza juhudi kubwa za serikali ya awamu ya sita chini ya uongozi wa Rais Samia Suluhu Hassan.

 Amebainisha kuwa mafanikio ya serikali yanaonekana katika kila idara, kuanzia ukusanyaji wa kodi, ujenzi wa shule, hadi uwekezaji mkubwa unaofanyika nchini.

 "Hii inaonesha jinsi pato la Taifa linavyoendelea kukua, na hivyo Watanzania wanapaswa kuona fahari na kuunga mkono juhudi hizi"anasema Mlawa 

Akitolea mifano kadhaa jinsi ambavyo sekta mbalimbali zimeimarika chini ya uongozi wa Rais Samia. 

Mlawa amesema kuwa ukusanyaji wa kodi umekuwa bora zaidi, hali inayowezesha serikali kujenga shule na hospitali nyingi zaidi nchini.

 Maendeleo haya ni dhahiri na yanaonesha mwelekeo mzuri wa uchumi wa taifa.

"Hebu tizama kama ni kodi zinakusanywa, maendeleo yanakuwepo, mashule yanajengwa, hospitali zinajengwa, pato la taifa linakua kiuchumi"

 Sasa tunachohitaji ni nini?" Kwa mujibu wa Mlawa, haya ni mafanikio ambayo Watanzania wanapaswa kuyafurahia na kuyatumia kama kichocheo cha kujenga taifa lenye nguvu zaidi kiuchumi.

Anasema Rais Samia  Nembo ya Taifa Mlawa ameendelea kwa kusisitiza kuwa Rais wa Tanzania ni nembo ya taifa, na hivyo haipaswi kukashifiwa au kutukanwa.

 Amesema kuwa kumkashifu rais ni sawa na kuharibu taswira ya taifa, jambo ambalo lina athari mbaya si tu kwa Tanzania, bali pia mbele ya mataifa mengine. 

Rais kwa mujibu wa Mlawa, anapaswa kupewa heshima anayoistahili kwa kazi kubwa anayoifanya kwa maslahi ya wananchi.

Mlawa amesema Rais wa Tanzania ni nembo ya taifa, haipaswi kukashifiwa, hatutakiwi kumtukana, wala kumjengea hoja zisizo za msingi na kuanzisha migogoro.

Ikumbukwe kuwa Hii ni kauli yenye nguvu ambayo inatoa ujumbe wa wazi kwa Watanzania kuhusu umuhimu wa kuacha tabia ya uchochezi na kashfa dhidi ya viongozi wa taifa.

Alisema ushauri  wake kwa Watanzania Wote pamoja na vyombo vya habari kuhakikisha kwamba hawatoi jukwaa kwa watu ambao wanatoa maneno ya uchochezi kwa taifa. 

Alisema kuwa  vyombo vya habari vina jukumu kubwa la kuelimisha na kuunganisha jamii, na hivyo ni lazima viwe makini katika kuchuja maudhui ambayo yanaweza kuleta mgawanyiko nchini.

Amesema kuwa vyombo vya habari vinapotoa nafasi kwa watu wanaotoa maneno ya uchochezi, wanachangia kuzidisha migogoro isiyokuwa na msingi.

 Mlawa amewataka Watanzania wote kuungana katika kulinda amani na umoja wa taifa, akieleza kuwa hatua ya kutowapa nafasi watu wenye nia mbaya itasaidia kupunguza migogoro na kudumisha utulivu wa nchi.

 "Tunatakiwa tuachane kabisa na zile sera ambazo zinaweza kusababisha amani kupotea kwa nchi yetu.

 Kwa kusikia tu, kwa sababu ya mtu anataka kunufaika na maslahi binafsi, basi anachochea uhalifu, anasababisha watu kuvunja amani.

" Hii ni kauli yenye uzito inayosisitiza kuwa uzalendo unapaswa kuwekwa mbele katika kila hatua ya maisha ya kila Mtanzania.

 Aidan Damian Mlawa ambae ni mtoto wa mkuluma aliyesomeshwa kwa pipa la pombe ameweka wazi msimamo wake wa kupinga tabia ya baadhi ya Watanzania kuwakashifu viongozi, hususan Rais Samia Suluhu Hassan ni WA  kizalendo na Kila mtanzania amlinde Rais kwa nguvu zote.

Aidha ameonya kuwa tabia hizi zinaweza kuhatarisha amani ya taifa, na amewataka Watanzania wote kuungana katika kuhakikisha kwamba wanadumisha uzalendo, amani, na upendo kwa viongozi wa nchi.

 Mlawa ameonesha jinsi ambavyo uongozi wa Rais Samia umeleta maendeleo makubwa katika nyanja mbalimbali, na amesisitiza kuwa kumkashifu rais ni sawa na kuharibu taswira ya taifa. 

Pamoja na kutoa  wito kwa vyombo vya habari kuwa makini na watu wenye nia ya uchochezi na kuhimiza uzalendo na mshikamano wa taifa kwa ajili ya kizazi kijacho.