MILIONI 866 KUJENGA BARABARA KM 1.2 KWA KIWANGO CHA LAMI LIWALE

NA  HADIJA OMARY 

Wananchi wa Wilaya ya Liwale Mkoani Lindi wanaishukuru Serikali ya awamu ya sita chini ya Uongozi wa Rais Samia kwa kutoa fedha kiasi cha shilingi 866,659,200.40 kwa ajili ya ujenzi wa barabara kilometa 1.2  kwa kiwango cha lami katika Halmashauri hiyo

Wametoa shukurani hizo mara baada ya mwenge wa uhuru kufika katika Wilayani humo na kuweka jiwe la msingi katika ujenzi huo wa mradi wa barabara ambao unatajwa utarahisisha usafirishaji wa mazao

Amisi Rashidi Dereva Boda boda amesema kipindi cha masika Barabara hiyo ilikiwa ikijaa maji mara kwa mara hali iliyopelekea kutopitika kwa urahisi kipindi hiko cha masika hivyo ujenzi wa barabara hiyo unaenda kumaliza kero hiyo

Kwa mujibu wa Meneja wa wakala wa Barabara za mijini na vijijini TARURA Wilayani Liwale Mhandisi Living Stone Shija amesema mradi huo wa barabara ya Murua-Mkurunguche- Ngojwike - Mandepe petrol station  unatekelezwa na mkandarasi M/S TECHINO COMBINE CONSTRUCTION  LIMITED.

Amesema mradi huo ulianza matengenezo yake tarehe 15/09/2023 na unatarajiwa kukamilika tarehe 15/07/2024 ambapo mpaka sasa tayari kazi mbalimbali zimeshafanyika ikiwa pamoja na 

Kwa upande wake  Mkuu wa Wilaya ya Liwale  Godlack Mlinga amesema Mradi huo utakuwa na manufaa makubwa kwa wananchi wa Wilaya hiyo ya Liwale katika kuyafikia maeneo tofauti, kupendezesha madhari ya mji pamoja na kupunguza adha ya matengenezo ya mara kwa mara.

" niishukuru serikali kwa kuendelea kutoa fedha kwa ajili ya matengenezo ya Barabara hasa hizi za kati kati ya mji katika Wilaya yetu ambazo kwanza zinaenda kubadilisha muonekano wa mji wetu lakini pia kupitia bunge la bajeti serikali imeidhinisha fedha kwa ajiri ya ujenzi wa barabara ya Liwale-Nachingwea-Masasi na sasa tunasubiria kuanza utekelezaji wake"

Akizungumza mara baada ya kuweka jiwe la msingi katika Mradi huo kiongozi wa mbio za mwenge wa uhuru kitaifa mwaka 2024 Godfrey Mzava  amesisitiza kuendelea kutumia mfumo wa manunuzi wa kimtandao wa Serikali wa nest.

Baada ya kukagua barabara na kukagua nyaraka zinazoonyesha uhalali wa matumizi ya fedha pamoja na utaratibu ambao umetumika katika utekelezaji wa mradi huu mbio za mwenge wa uhuru mwaka 2024 umelidhia kuweka jiwe la msingi katika mradi huu