Na THABIT MADAI, Zanzibar -MATUKIO DAIMA APP
Chama Cha Mapinduzi (CCM) kimesema madai ya Balozi Ali Karume kuhusu uchaguzi mkuu akisema CCM haikushinda si mageni kwani aliyekuwa Makamo Mwenyekiti CUF Mussa Haji Kombo amewahi kutamka mgombea urais wa CUF hayati Maalim Seif Sharif Hamad hakuwahi kushinda urais .
Hadi leo hakuna ushahidi wowote unaoonyesha upinzani umeshinda kama Act wazalendo kinavyotaka kueneza madai hayo.
Ufafanuzi huo umetolewa na katibu wa kamati maalum ya Nec zanzibar , Mbetto Khamis Mbetto , akijibu tuhuma za katibu wa Habari,Uenezi na Mawasiliano kwa umma , Salum Bimani alipohutubia mkutano wa hadhara huko.....
Mbetto alisema madai ya baadhi ya wanasiasa ambao matlaba yao kisiasa hayakufikiwa na kutamka majukwaani kuhusu uchaguzi ,wana hamaki na jazba ili kuvuruga upepo pale wanaposhindwa au wakipovuliwa uanachama.
Alisema Kombo na Karume hawajawahi kuwa wenyeviti au maafisa wa Tume ya uchaguzi Zanzibar (zec) hivyo hawana haki kimamlka na kisheria kusikilizwa au kuzungumzia matokeo ya uchaguzi wakati wowote.
"Madai ati CCM haijashinda wakati inaongoza serikali ni upuuzi unaostahiki kupuuzwa. Hata Kombo amewahi kusema Maalim Seif hakushinda uchaguzi wowote zanzibar .Maalim seif na kina Bimani hawajakanusha madai hayo mpaka leo "Alisema Mbetto.
Aidha katibu huyo Mwenezi ccm zanzibar alisema kinachoonekana kwa viongozi wa Act wazalendo wanataka kuibeba kauli ya Balozi Mstaafu Karume wakidhani utakuwa ndio mtaji mpya kisiasa utakaowapa manufaa .
"CCM iweje kisishinde wakati ndicho kinachominiwa na wananchi. Wazanzibari si wajinga hadi wauchague upinzani kwa kubahatisha . CCM kimeshinda chaguzi zote na kitaendelea kushika madaraka na kuiongoza zanzibar" Alisisistiza
Katibu huyo Mwenezi alidai kombo aliwahi kusema CUF kulikuwa na uhodari wa kueneza propaganda hasi kwa nguvu hasi zikalubalika kitaifa na kimataifa na kulikuza jambo lolote lakini hakuna ushahidi CUF au ACT Wazalendo vilishinda.
"CUF walitaka wawe na makamishna wao ndani ya Zec pia hawashinda.Wakataka Daftari la kudumu la wapiga kura hawakupata ushindi . Wakaomba kuwe na kadi za mzanzibar mkaazi hawakupata ushindi. Ni chama kisicho na sera za matumaini hivyo ni vigumu kushinda" alieleza
Akizungumzia maendeoeo yanayokuza lwa kasi chini yabuongozi wa raia wa zanzibar Dkt Hissein Ali Mwinyi,Mbetto alisema ni jambo linaloupa hofu upinzani kwani wanajua mwaka 2025 hawatakuwa na hoja dhidi ya uatawala wa CCM awamu ya nane.
Hata hivyo alimtaka Rais Dkt Mwinyi kuendelea na utekelezaji wa ilani ya ccm hatua lwa hatua na kusema kuwa siku zote madebe matupu lamwe hayataacha kupiga kelele .
0 Comments