MJUMBE WA MKUTANO MKUU CCM TAIFA AONGOZA HARAMBE YA KUCHANGIA UJENZI WA UZIO SHULE YA MARIA MARGARETH

Mkurugenzi wa kampuni ya R-Gi na mjumbe wa mkutano mkuu Taifa (CCM)Prosper  Tesha akiwapa zawadi wahitimu wa darasa la saba katika shule ya msingi Maria  Margareth baada ya kuonyesha umahiri wao katika kuimba na kucheza alipokuwa mgeni rasmi katika mahafali ya kumi shuleni hapo.

Mkurugenzi wa kampuni ya R-Gi na mjumbe wa mkutano mkuu Taifa (CCM)Prosper  Tesha akizungumza katika mahafali ya darasa la saba katika shule ya msingi Maria  Margareth Mkoani Kilimanjaro

Mkurugenzi wa shule ya Maria Margareth Bibiana Massawe akizungumza katika mahafali hayo.

Mwalimu mkuu wa shule ya Maria Margareth Retus Theophilo akizungumza katika mahafali hayo.

                                    xxxxxxxxxxxxxxxxxxxxxxxxxxxxxxxxxxxxxxxxxxxx

Na Pamela Mollel,Kilimanjaro 

Mkurugenzi wa kampuni ya R-Gi na mjumbe wa mkutano mkuu Taifa (CCM)Prosper  Tesha amechangia shule ya msingi Maria Margareth Matofali 5000,Mifuko ya Saruji 100 na Mchanga lori 3 katika harambe iliyolenga kutatua changamoto ya ukosefu wa uzio wa shule hiyo

Tesha aliongoza harambee hiyo alipokuwa mgeni rasmi katika mahafali ya kumi katika shule hiyo ambapo aliwataka wazazi na wadau wa elimu kuchangia shule hiyo ili kuhakikisha kuna kuwepo na uzio imara,ujenzi wa mabweni sanjari na uwepo wa chumba cha kompyuta ili wanafunzi wapate taaluma ya Teknolojia ya habari na mawasiliano(Tehama)

"Wazazi tunawajibu mkubwa wa kuhakikisha watoto wetu wapo salama wawapo shuleni hivyo basi lazima kuwepo na uzio imara unaoweza kuwalinda katika mazingira ya Shule "alisema Tesha 

Aidha aliikumbusha jamii kupeleka watoto wa kike na wa kiume shule bila kujali jinsia zao 

"Watoto wa kike wakipewa elimu wanaweza kufanya mambo makubwa sana katika jamii,tuondoke na utamaduni ambao umeshapitwa na wakati"alisema Tesha

Akitolea mfano, faida ya kumsomesha mtoto wa kike ni pamoja na kupata Viongozi mbalimbali kama alivyo Rais wa Jamhuri ya Muungano wa Tanzania Samia Suluhu Hassan,Spika wa Bunge la Tanzania Tulia Ackson, Mawaziri na Viongozi wakubwa kwenye Taasisi mbalimbali 

Awali Mkurugenzi wa shule Bibiana Massawe akizungumza katika mahafali ya kumi shuleni hapo alisema kuwa Wazazi Walezi na Walimu kuweka kipaumbele katika kutoa malezi bora kwa watoto wadogo 

"Tuanze kuweka nguvu kubwa katika kujenga msingi imara wa tabia na maadili yanayokubalika katika jamii zetu ili kuleta ustawi na maendeleo endelevu "alisema  Bibiana

Pia alimshkuru Mgeni rasmi kwa kuweza kuchangia shule hiyo huku akiwataka wazazi na walezi kuendelea kulipa ada kwa wakati ili kukabiliana na changamoto zinazoikabili shule hiyo

Naye mwalimu mkuu Retus Theophilo alisema shule hiyo ilianzishwa mwaka 2009 ikiwa na wanafunzi 9 na walimu 4 hadi sasa jumla ya wanafunzi 179 na walimu12

Alisema changamoto kubwa inayoikabili shule hiyo ni pamoja na ukosefu wa uzio imara hivyo kutumia nguvu kubwa katika kuweka ulinzi wa wanafunzi na mali za shule